venres, 15 de xuño de 2012

Lipdub para a graduación de 4º da ESO

Atención a este lipdub que os alumnos de 4º da ESO fixeron para a súa graduación. Foi preparado e realizado por eles mesmos nun tempo récord. Trátase dun só plano secuencia. Qué pasada non? É moi gracioso!!

mércores, 13 de xuño de 2012

Interpretación das Tahitianas de Gauguin

Fixemos esta lámina dentro da unidade da cor en primeiro. Tratábase de facer un debuxo a lápis do famoso cadro de Gauguin, Mulleres de Tahití, (1891) e colorealo utilizando tons da gama cálida. Este cadro foi pintado na primeira estancia do pintor na isla. Na técnica que utilizou Gauguin, o "cloisonismo", as cores planas están encerradas con trazos negros e azul de prusia.

Practicamos a copia dos grandes mestres e usamos témperas e pincel, que nos gusta moito. As caras das mulleres e as mans, así coma gardar as proporcións do corpo era o que nos resultou máis difícil. ¿O violeta era cálido ou frío? ¿E o verde? ¿E o negro...?

Composición con tipografía

Éste é un exercicio que fixemos despois de estudia-la unidade da composición, que trata sobre cómo se ordenan e relacionan entre sí os elementos da linguaxe plástica no prano. Na composición entran en xogo diferentes factores coma o formato, a proporción, o ritmo, a simetría, o peso visual, as direccións visuais, os esquemas compositivos e tamén a relación entre figura e fondo.

Neste traballo os alumnos utilizaron distintas tipografías recortadas de revistas ou periódicos, para configurar palabras ou frases, e compoñer un collage xogando tamén con outros elementos visuais, e guiándose por algún dos esquemas de composición que vimos na clase.

Composición Tipografía

View another webinar from Camino Casabella



sábado, 9 de xuño de 2012

O esténcil

Agora que pasámo-los exames vou a empezar a publicar unha serie de presentacións cos traballos realizados neste tramo final do curso. Aquí están os que fixemos como unha primeira aproximación á técnica do estarcido ou esténcil. Foi unha actividade moi divertida de realizar, recortando as prantillas e pintando cos sprays. ¡Conseguimos algúns resultados sorprendentes!

O estencil
View another webinar from Camino Casabella

xoves, 31 de maio de 2012

¡¡Premiados!!



¡A nosa primeira curtametraxe "O Clube Do Sábado" foi premiada cun accésit na categoría de "Mellor música" do concurso REC-CURTA!


A entrega de premios terá lugar mañá venres, 1 de xuño ás 17:00 h. na Cidade Da Cultura en Santiago de Compostela. Trala mesma, os alumnos terán a oportunidade de participar nun coloquio co actor e director Rubén Riós ("Libro de Familia"), que lles falará de técnicas de actuación, da curtametraxe que él mesmo dirixiu recentemente, e responderá ás súas preguntas sobre o seu traballo na televisión e no cine.


Esta primeira experiencia na producción audiovisual foi unha aprendizaxe para nós e un desafío que nos levou a buscar solucións innovadoras a cada paso, e que nos serviu para coñecer novas posibilidades. Aledámonos moito de recibir esta recompensa que nos anima a continuar co bo traballo e a facer máis progresos no futuro.


Grazas a tódolos que contribuíron a facelo posible. 


¡¡PARABÉNS A TODOS!!

  • Para ver a película completa e a súa sinopse, pincha aquí.

martes, 24 de abril de 2012

Papiroflexia na rede



Para seguir avanzando nesta unidade sobre o volume imos a traballar na creación de formas tridimensionais. Seguro que todos coñecedes o que é a papiroflexia e máis dunha vez realizaríades unha paxariña, unha rá ou un avión a partir dunha folla de papel. Pois ben, Papiroflexia é o término español para origami (折り紙), arte de orixe xaponés do pregado de papel.

Do origami dícese que aporta calma e paciencia a quen o practica aínda que é unha técnica que pode acadar unha grande dificultade. A primeira afirmación queda confirmada no seguinte vídeo titulado Papiroflexia de Joaquim Baldwin, estudiante de animación (figura en Llámame Lola)


Acontinuación, varios exemplos de traballos con papel verdadeiramente sorpredentes que vos poden dar unha idea das posibilidades que ofrece esta técnica para o desenvolvemento de pezas volumétricas:

Artistas del papel:

Para practicar esta técnica propóñovos que visitéde-los seguintes enlaces:

xoves, 19 de abril de 2012

Deseños personalizados

A seguinte é unha actividade de deseño tridimensional que consiste en crear retratos ou autorretratos con técnicas non habituais. O más difícil, aparte da habilidade técnica para realizar un deseño final correcto e ben elaborado, é conseguir unha peza que lembre á persoa á que estades retratando ou a vós mesmos.

Qué vos parecen os bonecos de trapo coma os que realizan os deseñadores de Eloole. ¿Non son xeniais? Se facedes clic sobre cada muñeco na súa web veredes a persoa que os inspirou.

¿E qué vos parecen estes bonecos que representan dous coñecidos artistas? Por certo ¿a cales?

Nós imos a traballar cun deseño bidimensional en cartón que despois plegaremos para conseguir un muñeco con volumen. Esta é a idea que desenvolven los Papertoys ou recortables, unha das antigas diversións que conseguiron un novo auxe gracias ó desenvolvemento de Internet. Botade un vistazo a esta páxina: Do it your mole dende a que podes baixar un modelo básico en formato pdf para logo customizalo como máis che guste.

martes, 17 de abril de 2012

Espacio e volume

Agora que estamos empezando a traballar co espacio e o volume, e coñecendo cómo se poden representa-las formas tridimensionais no plano, o encaixe e a técnica do craroescuro, aquí vos deixo tres vídeos que vos poden axudar na difícil tarea do debuxo do natural.

Neste vídeo podedes ver a un profesor da Otis college of Art and Design mostrando cómo debuxa-la figura humana. Aunque está en inglés, fixádevos en cómo debuxa primeiro as liñas principais e despois unha vez que está encaixada a figura, aplica o craroescuro para os detalles.




Nos seguintes vídeos vemos cómo aplica-lo craroescuro: no primeiro, cómo se inicia o modelado das formas, e no segundo cómo facer o degradado e o defuminado.


domingo, 15 de abril de 2012

Grande estrea da película "O Clube Do Sábado"




Esta é unha curtametraxe que realizamos en 4º da ESO como proxecto sobre o cine, a imaxe secuenciada e en movemento, e os programas de tratamento de imaxe e montaxe audiovisual (Gimp, Windows Movie Maker, Audacity).

Vai a tomar parte no concurso de curtametraxes REC-CURTA. A continuación tende-la sinopse do filme, e máis abaixo o vídeo completo da curta:



O Clube Do Sábado 



Remake de The Breakfast Club (1985) 
Un criminal, un atleta, un cerebro, unha princesa e un caso perdido. Seguro que coñecedes a algún rapaz do instituto que responde a estes estereotipos. Pois ben, imaxinade a estas cinco persoas castigadas a pasar un sábado na biblioteca do instituto, durante oito horas e cincuenta e catro minutos. ¡Poden saltar chispas! Ésta é a trama que segue The Breakfast Club, comedia de culto dos oitenta para adolescentes escrita e dirixida por John Hughes.

Moitas veces os rapaces déixanse levar polos medios de comunicación e intentan imitar ós seus heroes, para diferenciarse do resto e chamar a atención. A globalización fai que estes modelos de conducta se extendan polo mundo. Nembargantes, a película trata de desenmascarar estes clichés e demostrar que estes cinco adolescentes poden convivir xuntos (aínda que só sexa por unas horas), falar, divertirse e abrirse ós outros. Vixiados polo director, a medida que pasan as horas descubren que cada un deles vai máis alá da súa respectiva etiqueta. 

A nosa curtametraxe recolle a esencia do argumento e trasládao á cidade de Lugo, dándolle vida ás personaxes a través dunha serie de caracteres locais. De este modo, mostra as particularidades de cada un destes estereotipos, que se reflexan no aspecto físico e a forma de actuar de cada un deles, así como na linguaxe característica da xente nova e os diálogos, sen perder a autenticidade e a frescura duns rapaces que se esforzan por entrar no mundo adulto.


venres, 23 de marzo de 2012

Primeiros vídeos dunha nova promesa musical

Hoxe quérovos presentar os dous primeiros vídeos dunha xove promesa musical ó que sen dúbida lle temos que prestar atención. Este artista, que cursa 1º da ESO e actualmente se forma no conservatorio de Lugo, atópase en plena grabación dunha serie de novos vídeos musicais e dende aquí esperamos impacientes o seu estreno. Botádelle unha ollada!



martes, 20 de marzo de 2012

O cómic: recursos na rede


Hoxe imos a ver unha serie de recursos para coñecer e practicar a linguaxe do cómic. Como o cómic está relacionado co tema da liña, xa que é unha das técnicas que máis empregan este elemento como medio de expresión, aquí van unha serie de enlaces moi útiles:


Para aprender sobre a linguaxe do cómic e os seus autores máis destacados:
Diseño de cómics online:
Contidos transversais:
  • Valores comunes. Ideas para realizar cómics para a integración dos emigrantes. 

xoves, 15 de marzo de 2012

Círculos cromáticos

Xa podedes ver a presentación dos círculos cromáticos. A canción é She's a Rainbow dos Rolling Stones.

domingo, 11 de marzo de 2012

Redes Modulares

Estes son os deseños de redes modulares dos rapaces/as de 3º. Algúns están bastante logrados, creando ritmos mediante a repetición de módulos, e combinacións de cor interesantes. A canción que soa é The Symphony dos Snow Patrol.

Texturas con Picasso

Os de primeiro fixeron unha serie de interpretacións do cadro de Picasso "Os Tres Músicos" (1921). Nesta obra vemos ós músicos de frente e de perfil á vez, gracias á superposición de planos. A obra traslada ó espectador ó mundo da comedia da arte con tres figuras, un Arlequín, un Pierrot e un Monxe que aparecen tocando un instrumento musical.

Utilizamos diversas texturas visuais e táctis para facer un collage sobre unha reproducción da obra, e traballamos en equipos, facendo un exercicio de colaboración e organización entre os membros. Cales credes que son os gañadores?




xoves, 1 de marzo de 2012

Saída pola tenda de regalos


Exit Through The Gift Shop: Un film de Bansky é unha película dirixida por Banksy, que conta a historia de Thierry Guetta, un inmigrante francés en Los Angeles, e a súa obsesión co street art. A película rexistra a constante documentación de Guetta de cada momento en vídeo, dende un encontro co seu primo, o artista Invader, á súa presentación a unha multitude de artistas da rúa, coma Shepard Fairey e Bansky, (do cal o seu anonimato é preservado oscurecendo a súa cara e alterando a súa voz), ata que finalmente o mesmo Guetta acada a fama coma artista da rúa. 




O filme estreouse no Festival de Sundance de 2010. Está narrado por Rhys Ifans. A música é de  Geoff Barrow. Inclúe a canción de Richard Hawley "Tonight The Streets Are Ours". A película foi nominada en 2011 para os Oscar na categoría de "Mellor película documental", e gañou na mesma categoría dos Independent Spirit Awards do mesmo ano.
Houbo un debate sobre se o documental é auténtico ou é un "mockumentary" (falso documental)

Algunhas críticas:
"Subversiva, provocativa e inesperada, (...) é unha delicia cómo te colle por sorpresa, comezando de forma tranquila pero acabando nun xogo de espellos tan inquedante que nin a Alicia de Lewis Carroll o tería experimentado xamais." (Kenneth Turan: Los Angeles Times)
"Non está moi claro cánto hai de ficción e cánto de realidade, pero este espectáculo sobre o arte da rúa é tan insólito como apasionante." (Carlos Boyero: Diario El País)
"Un interesante xogo de espellos sobre o arte da rúa, o pop, a verdade e a mentira. Feita con auténtico talento, cun sentido do humor e da ironía magníficos" (E. Rodríguez Marchante: Diario ABC)
"Banksy reproduce en celuloide o xogo irónico, autorreferencial e ácido dos seus debuxos da rúa nunha película co beneficio da intelixencia. Ademáis, resulta ben divertida (por intelixente)." (Luis Martínez: Diario El Mundo)


martes, 28 de febreiro de 2012

A composición

Unha vez estudiado o tema da forma, imos a continuar con esta nova unidade que trata sobre a composición. Un cadro ou unha fotografía están construídas a partir da linguaxe visual. Esta linguaxe necesita de unha orde para ser comprendida. Chamamos composición á maneira en que se organizan e se relacionan entre sí os elementos visuais que forman unha imaxe. A finalidade da composición é producir unha  mensaxe visual unitaria, ordenada e armónica.
The Var Department, Hyères, 1932, de Henri Cartier-Bresson, Museo Nacional de Arte Moderno George Pompidou, Paris
Nesta imaxe, Henri Cartier-Bresson amósanos unha escaleira e un ciclista que circula por unha rúa sen decatarse de que un obswervador o fotografía. Para este auntor, unha boa fotografía non só debe atrapar un instante, senón que ten que captalo cunha boa composición.
Cartier-Bresson considera moi importantes tanto o encadre, é dicir, a decisión do fotógrafo respecto a qué elementos da realidade formarán parte da imaxe, como o equilibrio entre os diferentes elementos que interveñen na composición. A composición desta fotografía está definida por un rectángulo de proporción aúrea.
Composición VIII, de Kandinsky. Para o pintor ruso o primordial nos seus cadros era a composición e a cor, máis ca o propio tema.


Le Modulor, de Le Corbusier

Os cánones de Policleto e Le Corbusier
Na Antigüidade, o escultor grego Policleto ideou un canon de beleza segundo o cal a altura total do corpo humano equivalía a sete veces a altura da cabeza, que servía de módulo.
No século XX, o arquitecto Le Corbusier plantexou un canon que relacionaba as medidas do home co número de ouro, para aplicalo ó deseño de espazos arquitectónicos.

Repasaremos algúns dos contidos sobre a composición coa seguinte presentación, e a aplicación que temos máis abaixo:




Dándolle cor

Seguimos coñecendo e traballando a cor con algúns materiais sobre as características e a percepción da cor.

  • En primeiro lugar, aquí temos un pequeno vídeo para repasar o que vimos na clase sobre cómo percibimos as cores.


  • O seguinte recurso, "As dimensións da cor", axudaranos a coñece-las cualidades da cor, que serven para concretar e califica-las cores.
  • Por último, presta atención ó seguinte vídeo realizado polo programa tres14 de RTVE que fai un repaso ás características da cor. Moi interesante!






luns, 13 de febreiro de 2012

Artistas en acción!

Ledicia e cores!!

Pois iso. Éstes son os traballos inspirados no Orfismo de Robert Delaunay e a súa obra "Rhythm, Joie De Vivre". A canción é "Dog Days Are Over" (Os días de cans remataron) de Florence & The Machine. Bo día!! :)

mércores, 8 de febreiro de 2012

Dous vídeos sobre arte urbana

  • Arte urbano 1: Un programa de Metrópolis, programa de RTVE sobre cultura e arte contemporánea, emitido o pasado venres. Primeiro dos programas nos que exploran a nova arte urbana, herdeira do graffiti e a arte de acción, anárquica, poética e combativa, é a arte que se expresa nas rúas. Ver aquí


  • Style Wars, un clásico sobre as orixes do graffiti:

http://youtu.be/0EW22LzSaJA

martes, 7 de febreiro de 2012

O círculo cromático e a síntese sustractiva da cor


Esta semana empezamos a coñece-la cor, un dos elementos máis importantes da linguaxe visual e plástica. Como primeira actividade do tema, realizaremo-lo clásico círculo cromático de doce cores (tres primarias, tres secundarias e seis terciarias). Esta tradicional actividade realizarédela con témperas e axudaravos a:

  • Repasa-la división da circunferencia.
  • Coñece-las cores pigmento primarias: amarelo, azul cyan e maxenta.
  • Traballar coa mezcra sustractiva de cores. Partindo das primarias, obterede-las secundarias e terciarias.
  • Practicar unha técnica húmida: a témpera.

No seguinte vídeo do Canal EducaThyssen tendes unha sinxela explicación da actividade que ides a realizar.


Tamén poderedes ver cómo traballar de forma correcta coa técnica do Gouache ou témpera no seguinte vídeo:


Ademáis de face-lo círculo cromático analóxico, tamén podemos realizalo en dixital con esta estupenda aplicación de educacionplastica.net coa que xa podedes ir practicando:
http://www.educacionplastica.net/circuloCromatico.html

Na mesma web podedes ver unha breve explicación e un gráfico interactivo para experimenta-la síntese aditiva e a síntese sustractiva da cor:

¡A traballar!!!

domingo, 5 de febreiro de 2012

O estarcido ou esténcil

Esténcil de Ángela Davis (2005)

Shepard Fairey, "Obey", é un dos artistas máis importantes do Street Art (Arte da Rúa).

Este artista é recoñecido por desenvolver o seu arte na rúa, onde retrata con esténcil a persoaxes mundialmente coñecidos.

Máis abaixo, un vídeo de cómo traballa no seu estudio.







A TÉCNICA DO ESTARCIDO


¿Qué é?

O estarcido é unha técnica artística que consiste en pintar sobre distintos materiais utilizando unha plantilla. Saber utiliza-lo estarcido axúdanos a realizar composicións artísticas, carteis e decoracións para a parede con cores uniformes.

Características

As plantillas pódense comprar feitas ou ben fabricalas nós mesmos. Coa mesma plantilla podemos facer múltiples copias.

Para realiza-lo estarcido necesitamos dispoñer dos seguintes materiais: cúter ou tesouras, cartulinas ou acetato transparente, lápis, rotuladores indelebles, pintura (spray) e instrumentos para extende-la pintura: pinceis, cepillos de dentes, esponxas, aerógrafo, etc.

Como se traballa?

  1. Eleximos un texto ou unha imaxe en branco e negro con formas simples e cerradas. Esta imaxe debúxase sobre o soporte (acetato ou cartulina) que utilizaremos como plantilla. Ten en conta que non se poden deixar espacios ou "islas" en branco dentro dunha área negra porque son as que van a ser cortadas. Utilízanse "pontes" para uni-las islas coa superficie da prantilla e formar unha unidade.
  2. O contorno do debuxo recórtase cun cúter ou tesouras e obtense un espacio aberto con zonas sólidas arredor.
  3. A prantilla recortada fíxase con cinta adhesiva enriba do soporte definitivo. A continuación pulverízase a pintura cun spray ou ben aplícase, sen humedecer, cun pincel sobre toda a superficie.
  4. A prantilla levántase e déixase seca-la imaxe. Se a pintura está moi húmida os bordes correranse. Limparemos a prantilla antes de que a pintura se seque para poder utilizala de novo.

Ilusións ópticas



Dentro do tema da forma, imos a ver as relacións que se establecen entre as formas no campo visual e o contraste figura-fondo.

Na percepción dun debuxo, unha pintura ou unha imaxe calqueira, algunhas formas revélanse como “figuras” e outras como “fondo”. As que emerxen como figuras impóñense á nosa atención e outras convírtense en fondo e parecen desaparecer.

As relacións figura-fondo foron ampliamente estudiadas pola psicología da Gestalt, que a partir da copa de Rubin (mostrada á esquerda) chegaron á conclusión de que a percepción é un proceso no que o espectador toma un papel activo, xa que os nosos ollos non poden percibir simultáneamente as dúas partes como figura ou como fondo. Estas relacións foron explotadas por artistas como Dalí, Magritte ou M.C. Escher.

Consulta as imaxes de doble sentido na Enciclopedia da percepción visual.

As relacións figura-fondo son utilizadas para crear ilusións ópticas. Na seguinte presentación, dedicada a elas faise un repaso ás ilusiónss ópticas máis comúns e qué as xenera. Observádea atentamente porque é moi interesante.




Esta presentación foi realizada por Ignacio Valdés para Musical Blogies

Agora contestade ás seguintes preguntas:

1. Que é unha ilusión óptica?

2. Que tipo de ilusións ópticas ou efectos aparecen na presentación?

3. En que consiste a persistencia da visión?

4. Cal che chamou máis a atención? Eres capaz de velas todas?

5. Nomea os cinco efectos ou ilusións que che gustaran máis ou che chamaran máis a atención e explica en qué consisten.

Para obter más información:

Ilusionario, Guía de ilusións ópticas
Ilusións ópticas en educacionplastica.net. Moi interesantes os gráficos interactivos.
Máis ilusións ópticas


Enlaces externos
Paradoxas visuais 
Ilusións ópticas: ¿Podes crer ós teus ollos?
Percepción Visual
Akiyoshi's illusion pages

sábado, 28 de xaneiro de 2012

Cómo facer unha curta

Para facer unha curtametraxe é necesario :

Ter claro qué queremos contar, de qué podemos prescindir e qué medios temos para contalo, mantendo sempre o noso toque persoal: 


Saber cómo montar a peli, 


...e por último coñecer moi ben os recursos da linguaxe audiovisual.


AQUÍ temos unha recopilación de tódolos tipos de planos no cine con exemplos de fragmentos de películas.

martes, 17 de xaneiro de 2012

M.C. Escher



M.C. Escher, artista holandés (1898-1972) fixo da ambigüedade figura-fondo unha das características dalgunhas das súas obras, a base da súa creatividade e imaxinación. Fascinado polas investigacións da percepción visual e, en concreto, sobre o problema da constitución da figura e do fondo, realizou obras nas que as figuras se transformaban en fondo e viceversa.

Debuxante e viaxeiro incansable, visitou Italia, Suiza e España, onde quedou impresionado coa Alhambra de Granada. Empezou os estudios de arquitectura pero pronto os abandoou para adicarse á súa labor de debuxante. Utilizou as técnicas do grabado en madeira (xilografía), o grabado en pedra (litografía) e os debuxos a plumilla (tinta) para representar paisaxes, arquitecturas e figuras imposibles nos que xoga coa xeometría e a percepción do espectador.

A través dos seus debuxos crea un universo máxico de figuras e seres imposibles, plagado de conceptos contrarios (noite e día, ben e mal), brindándonos un bo número de exemplos para a explicación e aplicación do deseño modular, as transformacións xeométricas ou as simetrías.

A continuación temos unha serie de enlaces que nos permiten acceder a numerosas imaxes da súa amplia obra, e tamén a vídeos do seu proceso de traballo, entrevistas e documentais:

Página oficial de M.C. Escher. Ademáis da súa biografía e imaxes das súas obras máis importantes, a web contén material videográfico: Escher traballando sobre unha plancha de grabado e varias entrevistas ó artista nas que fala sobre a súa vida e obra. También se inclúen deseños 3D das súas arquitecturas imposibles e a posibilidade de descargar puzzles interactivos. Moi interesante.
M.C. Escher Mindscape: o artista nunha web do Cybermuse da Galería Nacional de Canadá. Dividida en cinco apartados (vida, temas, técnicas, galería e enlaces) nos que destacan, por didácticos, os contidos relativos ás técnicas empregadas polo artista.

ESCHER E A XEOMETRÍA:
A xeometría na arte de M.C. Escher. Web elaborada por Enríque Martínez Arcos. Concebida como un taller de matemáticas no que se fai unha análise dos contidos matemáticos presentes na obra do artista: movementos no plano traslacións e xiros), simetrías, etc.
Mathematical Art of M.C. Escher.

CURIOSIDADES:
Anuncios publicitarios que utilizan ilusións ópticas inspiradas pola obra de Escher: Anuncio da marca Audi e Anuncio de Illy Cofee
Escena da película Dentro do Laberinto, dirixida en 1986 por Jim Henson e protagonizada por David Bowie e Jeniffer Connelly co laberinto creado por Escher na súa obra Relatividade.
Fotos en FlickCC que se encontran baixo o nome “Escher”. Algunhas son moi interesantes.

Hallucii, corto de animación que recrea a obra Ascending and descending (podes velo na pantalla inferior)

luns, 16 de xaneiro de 2012

Estructuras modulares no deseño e na arte

Unha composición modular, mosaico ou tesela é o resultado da combinación sobre unha rede ou trama denominada rede modular, composta de unidades que se repiten, chamadas módulos ou teselas.

Unha composición modular pode organizarse utilizando módulos desprazados linealmente (traslación), mediante xiros, ….


INTRODUCCIÓN HISTÓRICA

Os árabes foron grandes mestres da arte xeométrica. Na Alhambra de Granada, construída nos séculos XIII e XV, moitos pavementos e mosaicos de chans e paredes están decorados utilizando xiros, simetrías, traslacións e recortes sobre figuras regulares.

Detalles dos Mosaicos da Alhambra de Granada:

Se queres saber cómo se construíron, AQUÍ tes a explicación.
As redes modulares máis utilizadas son as basadas en polígonos regulares e pódense combinar  orixinando dúas clases de redes: simples (que se forman por repetición dunha soa figura: triángulos ou cadrados) e complexas: (fórmanse pola utilizacion de varias figuras xeométricas á vez ou pola superposicion de redes simples). A condición fundamental é que debe compactar o prano, é dicir, cubrila por completo sen deixar ocos.



Na seguinte presentación tendes os contenidos más importantes deste tema. Se miras ó teu redor, serache fácil encontrar estructuras e composicións modulares tanto artificiais como naturais. Os módulos foron elementos que se han empregaron ó longo da historia da arte e o deseño para crear composicións estructuradas e ordenadas.



A imaxe da portada da presentación pertence ó artista Barry McGee. ¿Poderías realizar unha composición similar utilizando unha rede triangular? Para facelo podes utilizar esta aplicación, que visitaremos para traballar sobre este tema: Estructuras modulares bidimensionales

Tamén veremos a un artista que traballou moito con este tema: M.C. Escher, ó que adicaremos unha entrada en breve.


venres, 13 de xaneiro de 2012

As texturas

Na seguinte actividade imos a traballar con texturas. Ésta é unha presentación na que se explica o que son, os seus tipos e a expresividade das mesmas.




Podedes atopar máis información aquí.

Na obra de Jackson Pollock, a riqueza das texturas é un dos aspectos máis relevantes.

Jackson Pollock.org é unha aplicación Flash que permite pintar á maneira deste artista americano, representante do expresionismo abstracto e da action painting, coa que podemos crear texturas a base de salpicaduras de cor. Galería de imaxes das obras de Pollock.

Os Artistas


The Artists from Giant Creative on Vimeo.


Sean Mullen, do estudio de animación Giant Creative, fixo este corto "sobre dous artistas rivais que non ven a perspectiva de conxunto"

Para empezar o ano amigablemente.