Redes modulares

Redes y formas modulares. from CreandoArtistas

Estructuras Modulares from Lucía Alvarez

Redes modulares de módulo cuadrado from Escuela de Arte

Interpretación das Tahitianas de Gauguin

Fixemos esta lámina dentro da unidade da cor en primeiro. Tratábase de facer un debuxo a lápis do famoso cadro de Gauguin, Mulleres de Tahití, (1891) e colorealo utilizando tons da gama cálida. Este cadro foi pintado na primeira estancia do pintor na isla. Na técnica que utilizou Gauguin, o "cloisonismo", as cores planas están encerradas con trazos negros e azul de prusia.

Practicamos a copia dos grandes mestres e usamos témperas e pincel, que nos gusta moito. As caras das mulleres e as mans, así coma gardar as proporcións do corpo era o que nos resultou máis difícil. ¿O violeta era cálido ou frío? ¿E o verde? ¿E o negro...?

Interpretación dun cadro de Gauguin con cores cálidas

View another webinar from Camino Casabella

Composición con tipografía

Éste é un exercicio que fixemos despois de estudia-la unidade da composición, que trata sobre cómo se ordenan e relacionan entre sí os elementos da linguaxe plástica no prano. Na composición entran en xogo diferentes factores coma o formato, a proporción, o ritmo, a simetría, o peso visual, as direccións visuais, os esquemas compositivos e tamén a relación entre figura e fondo.

Neste traballo os alumnos utilizaron distintas tipografías recortadas de revistas ou periódicos, para configurar palabras ou frases, e compoñer un collage xogando tamén con outros elementos visuais, e guiándose por algún dos esquemas de composición que vimos na clase.

Composición Tipografía

View another webinar from Camino Casabella

O esténcil

Agora que pasámo-los exames vou a empezar a publicar unha serie de presentacións cos traballos realizados neste tramo final do curso. Aquí están os que fixemos como unha primeira aproximación á técnica do estarcido ou esténcil. Foi unha actividade moi divertida de realizar, recortando as prantillas e pintando cos sprays. ¡Conseguimos algúns resultados sorprendentes!

O estencil

View another webinar from Camino Casabella

O cómic: recursos na rede

Hoxe imos a ver unha serie de recursos para coñecer e practicar a linguaxe do cómic. Como o cómic está relacionado co tema da liña, xa que é unha das técnicas que máis empregan este elemento como medio de expresión, aquí van unha serie de enlaces moi útiles:

Para aprender sobre a linguaxe do cómic e os seus autores máis destacados:

• O cómic: a imaxe secuencial. Presentación para os alumnos de 3º ou 4º da eso.
• El Comic
  

  View more PowerPoint from Lucía Alvarez
• Guía do cómic. Directorio con enlaces a unha selección dos mellores cómics catalogados por países, dossiers sobre autores españois, novedades e librerías especializadas.
• Personaxes de cómic. Webquest para coñecer a algunhas das personaxes da historia do cómic máis significativas.
• Enciclopedia sobre o Cómic. Amplia información sobre o mundo de esta técnica, sobre todo o americano.
• Proceso de elaboración dun cómic polo ilustrador Kazu Kibuishi.

Diseño de cómics online:

• Bubblesnaps. Sinxela ferramenta coa que se poden crear fotonovelas a modo de cómics insertando bocadillos en cada imaxe.
• Crea e debuxa unha personaxe. Sinxela ferramenta para xogar coas diferentes expresións e xestos do rostro.
• Stripgenerator. Fai a túa propia tira de cómic.
• Stripcreator. Ferramenta similar á anterior.
• Hero Machine. Crea o teu propio heroe.
• Actividades sobre el lenguaje del cómic (En formato PDF).

Contidos transversais:

• Valores comunes. Ideas para realizar cómics para a integración dos emigrantes. 

Círculos cromáticos

Xa podedes ver a presentación dos círculos cromáticos. A canción é She's a Rainbow dos Rolling Stones.

Círculo cromático

View another webinar from Camino Casabella

Redes Modulares

Estes son os deseños de redes modulares dos rapaces/as de 3º. Algúns están bastante logrados, creando ritmos mediante a repetición de módulos, e combinacións de cor interesantes. A canción que soa é The Symphony dos Snow Patrol.

Redes Modulares

View another webinar from Camino Casabella

Texturas con Picasso

Os de primeiro fixeron unha serie de interpretacións do cadro de Picasso "Os Tres Músicos" (1921). Nesta obra vemos ós músicos de frente e de perfil á vez, gracias á superposición de planos. A obra traslada ó espectador ó mundo da comedia da arte con tres figuras, un Arlequín, un Pierrot e un Monxe que aparecen tocando un instrumento musical.

Utilizamos diversas texturas visuais e táctis para facer un collage sobre unha reproducción da obra, e traballamos en equipos, facendo un exercicio de colaboración e organización entre os membros. Cales credes que son os gañadores?

Texturas con Picasso

View more presentations from Camino Casabella

A composición

Unha vez estudiado o tema da forma, imos a continuar con esta nova unidade que trata sobre a composición. Un cadro ou unha fotografía están construídas a partir da linguaxe visual. Esta linguaxe necesita de unha orde para ser comprendida. Chamamos composición á maneira en que se organizan e se relacionan entre sí os elementos visuais que forman unha imaxe. A finalidade da composición é producir unha  mensaxe visual unitaria, ordenada e armónica.

The Var Department, Hyères, 1932, de Henri Cartier-Bresson, Museo Nacional de Arte Moderno George Pompidou, Paris

Nesta imaxe, Henri Cartier-Bresson amósanos unha escaleira e un ciclista que circula por unha rúa sen decatarse de que un obswervador o fotografía. Para este auntor, unha boa fotografía non só debe atrapar un instante, senón que ten que captalo cunha boa composición.

Cartier-Bresson considera moi importantes tanto o encadre, é dicir, a decisión do fotógrafo respecto a qué elementos da realidade formarán parte da imaxe, como o equilibrio entre os diferentes elementos que interveñen na composición. A composición desta fotografía está definida por un rectángulo de proporción aúrea.

Composición VIII, de Kandinsky. Para o pintor ruso o primordial nos seus cadros era a composición e a cor, máis ca o propio tema.

Le Modulor, de Le Corbusier

Os cánones de Policleto e Le Corbusier

Na Antigüidade, o escultor grego Policleto ideou un canon de beleza segundo o cal a altura total do corpo humano equivalía a sete veces a altura da cabeza, que servía de módulo.

No século XX, o arquitecto Le Corbusier plantexou un canon que relacionaba as medidas do home co número de ouro, para aplicalo ó deseño de espazos arquitectónicos.

Repasaremos algúns dos contidos sobre a composición coa seguinte presentación, e a aplicación que temos máis abaixo:

La Composicion

View more PowerPoint from Lucía Alvarez

Ledicia e cores!!

Pois iso. Éstes son os traballos inspirados no Orfismo de Robert Delaunay e a súa obra "Rhythm, Joie De Vivre". A canción é "Dog Days Are Over" (Os días de cans remataron) de Florence & The Machine. Bo día!! :)

Rhythm, Joie De Vivre

View another webinar from Camino Casabella

O círculo cromático e a síntese sustractiva da cor

El color. Caracteristicas generales

View more PowerPoint from Lucía Alvarez

Esta semana empezamos a coñece-la cor, un dos elementos máis importantes da linguaxe visual e plástica. Como primeira actividade do tema, realizaremo-lo clásico círculo cromático de doce cores (tres primarias, tres secundarias e seis terciarias). Esta tradicional actividade realizarédela con témperas e axudaravos a:

• Repasa-la división da circunferencia.
• Coñece-las cores pigmento primarias: amarelo, azul cyan e maxenta.
• Traballar coa mezcra sustractiva de cores. Partindo das primarias, obterede-las secundarias e terciarias.
• Practicar unha técnica húmida: a témpera.

No seguinte vídeo do Canal EducaThyssen tendes unha sinxela explicación da actividade que ides a realizar.


Tamén poderedes ver cómo traballar de forma correcta coa técnica do Gouache ou témpera no seguinte vídeo:


Ademáis de face-lo círculo cromático analóxico, tamén podemos realizalo en dixital con esta estupenda aplicación de educacionplastica.net coa que xa podedes ir practicando:
http://www.educacionplastica.net/circuloCromatico.html

Na mesma web podedes ver unha breve explicación e un gráfico interactivo para experimenta-la síntese aditiva e a síntese sustractiva da cor:

¡A traballar!!!

Ilusións ópticas

Dentro do tema da forma, imos a ver as relacións que se establecen entre as formas no campo visual e o contraste figura-fondo.

Na percepción dun debuxo, unha pintura ou unha imaxe calqueira, algunhas formas revélanse como “figuras” e outras como “fondo”. As que emerxen como figuras impóñense á nosa atención e outras convírtense en fondo e parecen desaparecer.

As relacións figura-fondo foron ampliamente estudiadas pola psicología da Gestalt, que a partir da copa de Rubin (mostrada á esquerda) chegaron á conclusión de que a percepción é un proceso no que o espectador toma un papel activo, xa que os nosos ollos non poden percibir simultáneamente as dúas partes como figura ou como fondo. Estas relacións foron explotadas por artistas como Dalí, Magritte ou M.C. Escher.

Consulta as imaxes de doble sentido na Enciclopedia da percepción visual.

As relacións figura-fondo son utilizadas para crear ilusións ópticas. Na seguinte presentación, dedicada a elas faise un repaso ás ilusiónss ópticas máis comúns e qué as xenera. Observádea atentamente porque é moi interesante.

Ilusiones ópticas

View more PowerPoint from Musical Blogies

Esta presentación foi realizada por Ignacio Valdés para Musical Blogies

Agora contestade ás seguintes preguntas:

1. Que é unha ilusión óptica?

2. Que tipo de ilusións ópticas ou efectos aparecen na presentación?

3. En que consiste a persistencia da visión?

4. Cal che chamou máis a atención? Eres capaz de velas todas?

5. Nomea os cinco efectos ou ilusións que che gustaran máis ou che chamaran máis a atención e explica en qué consisten.

Para obter más información:

Ilusionario, Guía de ilusións ópticas
Ilusións ópticas en educacionplastica.net. Moi interesantes os gráficos interactivos.
Máis ilusións ópticas


Enlaces externos
Paradoxas visuais 
Ilusións ópticas: ¿Podes crer ós teus ollos?
Percepción Visual
Akiyoshi's illusion pages

Autorretratos con liña

Autorretratos con liña

View another webinar from Camino Casabella

Estructuras modulares no deseño e na arte

Unha composición modular, mosaico ou tesela é o resultado da combinación sobre unha rede ou trama denominada rede modular, composta de unidades que se repiten, chamadas módulos ou teselas.

Unha composición modular pode organizarse utilizando módulos desprazados linealmente (traslación), mediante xiros, ….

INTRODUCCIÓN HISTÓRICA

Os árabes foron grandes mestres da arte xeométrica. Na Alhambra de Granada, construída nos séculos XIII e XV, moitos pavementos e mosaicos de chans e paredes están decorados utilizando xiros, simetrías, traslacións e recortes sobre figuras regulares.

Detalles dos Mosaicos da Alhambra de Granada:

Se queres saber cómo se construíron, AQUÍ tes a explicación.

As redes modulares máis utilizadas son as basadas en polígonos regulares e pódense combinar  orixinando dúas clases de redes: simples (que se forman por repetición dunha soa figura: triángulos ou cadrados) e complexas: (fórmanse pola utilizacion de varias figuras xeométricas á vez ou pola superposicion de redes simples). A condición fundamental é que debe compactar o prano, é dicir, cubrila por completo sen deixar ocos.

Na seguinte presentación tendes os contenidos más importantes deste tema. Se miras ó teu redor, serache fácil encontrar estructuras e composicións modulares tanto artificiais como naturais. Os módulos foron elementos que se han empregaron ó longo da historia da arte e o deseño para crear composicións estructuradas e ordenadas.

Estructuras Modulares

View more presentations from Lucía Alvarez

A imaxe da portada da presentación pertence ó artista Barry McGee. ¿Poderías realizar unha composición similar utilizando unha rede triangular? Para facelo podes utilizar esta aplicación, que visitaremos para traballar sobre este tema: Estructuras modulares bidimensionales. 

Tamén veremos a un artista que traballou moito con este tema: M.C. Escher, ó que adicaremos unha entrada en breve.

As texturas

Na seguinte actividade imos a traballar con texturas. Ésta é unha presentación na que se explica o que son, os seus tipos e a expresividade das mesmas.

Texturas3

View more presentations from Lucía Alvarez

Podedes atopar máis información aquí.

Na obra de Jackson Pollock, a riqueza das texturas é un dos aspectos máis relevantes.

Jackson Pollock.org é unha aplicación Flash que permite pintar á maneira deste artista americano, representante do expresionismo abstracto e da action painting, coa que podemos crear texturas a base de salpicaduras de cor. Galería de imaxes das obras de Pollock.

Flipando en cores

Aquí vos deixo a última presentación de traballos de Plástica deste ano 2011, que estamos a piques de rematar. Son os traballos de interpretación de fotografías elexidas polos alumnos, mediante tons planos de cor, empregando a técnica do gouache.

Tratouse dun estupendo exercicio de síntese para estas xoves promesas da pintura e foi unha actividade que os rapaces disfrutaron bastante, pois o momento de aplicar as cores co pincel resulta moi relaxante e divertido. Hai auténticas obras de arte!

Mentras o vemos, imos a recoller esas "Good Vibrations" dos Beach Boys. O ano que vén, moito máis e mellor!!

Interpretación dunha foto con cores planas

View another webinar from Camino Casabella

Trazando a liña

Seguindo co tema dos elementos da linguaxe visual, imos a traballar con un dos máis importantes: a liña.

A liña permítenos expresarnos de moi variadas maneiras dependendo dos materiais e útiles que empreguemos e a superficie sobre coa que traballemos. Ademáis, con trazos e intensidades diferentes, conséguense representacións artísticas moi variadas. A liña artística é moi diferente á que utilizamos para traza-los debuxos xeométricos.

Na seguinte presentación que trata o tema da liña podedes repasar algúns destes conceptos que imos a ver na aula vistos na aula e empezar a coñecer outros novos. na presentación explícase cómo diferentes tipos de liñas (horizontais, verticais, rectas ou curvas) fan que as obras artísticas transmitan sensacións diferentes.

La línea

View more presentations from Lucía Alvarez

 Hai un artista que vari@s de vós coñecedes xa moi ben: Pablo Picasso. Él facía un tipo de debuxos chamados de un só trazo, nos que non levantaba o pincel ou o lápis do papel. Mirade a seguinte aplicación sobre estes debuxos.

Como curiosidade, non vos perdades este vídeo de un só trazo:



O traballo que imos a facer consiste en realizar un autorretrato empregando a liña como elemento expresivo.
No seguinte aplicación, How to draw a head, aínda que está noutro idioma, temos explicacións con imaxes sobre cómo debuxar unha cabeza.

A mansión de cuarto

Un exercicio de aplicación da perspectiva cónica consiste en debuxar a distribución dunha habitación en perspectiva cónica central por ser algo máis sinxela cá de dous puntos de fuga. Lembra que ó estar os obxetos paralelos ó plano do cadro tódalas liñas fugan ó punto principal P.

Aquí tedes un vídeo coa técnica para debuxar una habitación en perspectiva cónica central, da que xa falamos na clase.

O seguinte traballo vai a consistir en debuxar e deseñar a construcción dunha casa ou mansión entre todos. Imaxina que un espectador mira unha casa de frente sen a fachada principal:

Cada un de vós vai a escoller unha estancia da casa: cuarto de baño, salón, cociña, dormitorios, garaxe... e debuxará un deseño da habitación en perspectiva cónica frontal cos elementos máis relevantes da decoración. Evitaremos todos aqueles que teñan curvas complicadas. Podes buscar deseños en internet para axudarte no proxecto do debuxo da habitación. Suxírovos que visitedes o blogue The Cool Hunter para que vos sirva de inspiración.

Podes axudarte debuxando sobre a foto dunha habitación os elementos da perspectiva como ves neste croquis, e despois realiza-lo teu debuxo no block añadindo ou eliminando detalles ó teu gusto. Para que a casa pareza máis real pódense abrir portas nos laterais da habitación para simular que pasamos dun cuarto a outro.

Cando teñas o debuxo no block, realizaralo de novo coidando o rotulado nun papel vexetal A3 para garda-lo traballo da perspectiva, e sobre o debuxo do block completarás o traballo de cor mediante un collage de fotos de revistas seguindo as pautas para a realización da perspectiva en canto a tamaño relativo dos obxetos, fugas, etc. No collage podes añadir mobiliario, persoas, mascotas, unha foto de tí mesmo...

Aquí vos deixo os pasos un por un.

cónica frontal

Concurso de fotografía de Nadal

Levas un fotógrafo dentro? Esta é a túa oportunidade!!

Participa no concurso que organiza o colexio cunha foto que capte a esencia do Nadal, nun instante único e irrepetible.

Hai dúas categorías, unha para alumnos e outra para familiares. O prazo de entrega remata o MÉRCORES 14 DE DECEMBRO, e os titores serán os encargados de recoller as fotos mediante un sistema de códigos que vos explicarán nas clases durante esta semana. Os premios serán otorgados por un xurado integrado por profesionais da fotografía, profesorado e representantes da comunidade educativa, específicamente designado para o evento.

Consulta as bases do concurso aquí.

Non deixes de participar!!

Un instante único e irrepetible

View more presentations from Camino Casabella

Que punto!!

Bo traballo e noraboa rapaces!!

Canción: "Shake, Rattle And Roll" de Elvis Presley

O punto

View another webinar from Camino Casabella