domingo, 18 de setembro de 2011

Descubren un mural perdido de Banksy nunha galería de Berlín


A obra foi cuberta con pintura fai oito anos para habilitar espacio para novos traballos

16/09/2011

O mural do artista británico Banksy «Every Picture tells a lie» foi redescuberto en Berlín o pasado fin de semana, despois de que unha galería o cubrise con pintura hai oito anos para habilitar espazo para novos traballos.

Banksy, que mantén en segredo a súa identidade, pintou a obra en 2003 para unha exhibición nunha galería de arte contemporánea na capital alemá. O mural foi recuperado como parte dun proxecto artístico de Brad Downey, artista estadounidense cuxa exhibición «What Lies Beneath» se centra en capas de pintura.

«O descubrimento é o proxecto de Downey: el quería xogar con iso», dixo Stephane Bauer, xefe da galería Kunstraum Bethanien, onde se expón o traballo de Banksy. Downey, que tamén foi parte da exposición en 2003, recordou o traballo de Banksy e quixo redescubrilo para o seu proxecto de 2011.

A obra de Banksy
Seguindo as coidadosas instrucións de Downey, os restauradores descubriron a obra, que retrata soldados alados con caras sorrintes e levando armas. As palabras «Every Picture Tells a Lie» están esborranchadas en pintura vermello sangue enriba deles.

A galería non está segura do que pasará co traballo de Banksy cando remate a exposición o 23 de outubro. Podería volver hibernar tras os muros recén pintados de branco... se ninguén intenta compralo antes.

Segundo Stephane Bauer, é difícil dicir canto vale o Banksy: «Non creo que poida valer moito porque hai unha capa de pintura por enriba da maior parte».

Fonte: ABC.es

4 comentarios:

  1. La forma de bansky me parece una forma muy original de expresar lo que uno piensa,sin hacer daño a nadie,aunque si es verdad que está prohibido pintar en las paredes si un permiso,pero lo que hace este artista me parece genial. Muy buena idea la de hacer un museo con las paredes que pinto el ,eS una manera de fomentar el arte en los mas jovenes. (ten)

    ResponderEliminar
  2. pareceme unha noticia muy curiosa




    jorge de 1ºB de la ESO

    ResponderEliminar
  3. que curioso!encántame este blog!:)
    1ºA de la ESO marta

    ResponderEliminar
  4. a min tamen me gusta!!!!

    ResponderEliminar